پنڈی بھٹیاں :تھانہ صدر واہ کے علاقہ میں چھ افراد کو قتل کر کے فرار ہونے والا مرکزی ملزم موٹر وے ایم ٹو پر ٹریفک حادثہ میں جاں بحق ہو گیا

پنڈی بھٹیاں(وائس آف ٹیکسلا/کرائم رپورٹر) تھانہ صدر واہ کے علاقہ میں گھریلو تنازعہ پر چار خواتین سمیت چھ افراد کو قتل کر کے فرار ہونے والا مرکزی ملزم موٹر وے ایم ٹو پر ٹریفک حادثہ میں جاں بحق ہو گیا ۔حادثہ میں ایک ہی خاندان کے چھ افراد زخمی بھی ہوئے تھےتھانہ صدر واہ کے علاقہ نوسر شرفی میں خاندانی جھگڑے پر امیر حمزہ نامی ملزم نے اندھادھند فائرنگ کر کے اپنی خالہ فوزیہ بی بی،روبینہ،رضیہ سلطانہ،ثناء،احتشام اور جاوید کو فائرنگ کر کے قتل کر دیا تھا ۔ملزم امیر حمزہ کار نمبر - ایل زیڈ پی 7570پر فرار ہو کر لاہور جا رہا تھا کہ اسکی کارموٹر وے ایم ٹو پنڈی بھٹیاں انٹر چینج کے قریب آگ جانے والی کار سے ٹکرا گئی جس کے تیجہ میں سات افراد زخمی ہو گئے ۔ریسکیو 1122اورموٹروے پولیس نے حادثہ میں زخمی ہونے والے تین بچوں سمیت سات افراد کو ٹی ایچ کیو ہسپتال پنڈی بھٹیاں منتقل کیا جہاں تشویشناک حالت کے پیش نظرامیر حمزہ کو فیصل آباد ریفر کیا گیا لیکن وہ زخموں کی تاب نہ لاتے ہوئے رستہ میں ہی دم توڑ گیا