حسن ابدال: چھ سالہ معصوم بچہ محمد بلال کرنٹ لگنے سے جان کی بازی ہار گیا

حسن ابدال (وائس آف ٹیکسلا/سید قمر عباس) چھ سالہ معصوم بچہ محمد بلال کرنٹ لگنے سے جان کی بازی ہار گیا ،تیز ہوا، آندھی اور طوفان سےبجلی کے تار چھت پر گر گئے ، بجلی نے ننھے بلال کی جان لے لی، تفصیلات کے مطابق حسن ابدال کے محلہ شہید آبادکے رہائشی ،محمد احسان کا چھ سالہ بیٹا گھر کی چھت پر کھیلتے ہوئے بجلی کی ننگی تاروں سے ٹکرا گیا۔گزشتہ آنے والی آندھی طوفان کے باعث محمد احسان کے گھر کے اوپر سے گزرنے والی بجلی کی تار چھت پر آن گری، جب ننھا بلال چھت پر کھیلنے آیا تو چھت پر گری ننگی تار سے ٹکرا گیا ،جس کی وجہ سے بجلی نے اس ننھے پھول کو جلسا دیا،اور بچہ موقع پر ہی جاں بحق ہوگیا،ننھے بلال کی حادثاتی موت نے پورے علاقہ کو غم زدہ کردیا،شام چھ بجے بلال کا نما زجنازہ ادا کیا گیا اس موقع پر ہر آنکھ اشک بار تھی، لوگوں نے چھوٹے بچے کی نا گہانی موت پر گہرے دکھ کا اظہار کیا،