ٹیکسلا : فرنٹ ڈسک کے قیام سے پولیس کی کارکردگی میں مثبت تبدیلی آئی ہے،

ٹیکسلا(وائس آف ٹیکسلا /رپورٹرتیمور ملک سے)پولیس کی کارکردگی بڑھانے اور عوام کی خدمت کیلئے پنجاب کے تمام اضلاع اورتحصیلوں میں تھانہ کلچر کے خاتمے کے لئے فرنٹ ڈیسک کا باقاعدہ آغاز ہوچکا ہے،اور فرنٹ ڈسک کے قیام سے پولیس کی کارکردگی میں مثبت تبدیلی آئی ہے، ٹیکسلا میں بھی فرنٹ ڈیسک کاآغاز کے بعد اب سا ئلین کواپنے مسائل کے لئے کسی بھی سفارش کی ضرور ت نہیں ہے۔ عوامی شکایات کے ازالے کے لئے فرنٹ ڈیسک کے نمائندے ، سینئراسٹیشن اسسٹنٹ اورپولیس اسٹیشن اسسٹنٹ بھرپور تعاون کے لئے موجود ہوتے ہیں حکومت پنجاب کی جانب سے تھانہ کی سطح پر مثبت تبدیلی اور عوامی مسائل کے حل کے لئے اس پروگرام کااغاز کیا گیا ہے، ٹیکسلا کی عوام کا کہنا ہے کہ ہم وزیر اعلی شہباز شریف کے اس احسن اقدام پر خراج تحسین پیش کرتے ہیں اور ان سے مطالبہ کرتے ہیں کے اس اقدام کو تھانوں سے نچلی سطح خاص کر پولیس چوکیوں میں بھی شروع کیاجائے۔ تاکہ پولیس اور عوام کے درمیان خلاء کو دورکیاجاسکے۔