ہیوی انڈسٹریز ٹیکسلا پر خودکش حملے کی کوشش ناکام

ٹیکسلا(21ستمبر 2015 ء) ہیوی انڈسٹریز ٹیکسلا پر خود کش حملے کی کوشش ناکام بنا دی گئی ہے۔ تفصیلات کے مطابق ٹیکسلا کو بڑی تباہی سے بچا لیا گیا ہے۔ٹیکسلا میں قائم ہیوی انڈسٹریز پر خود کش حملے کی کوشش ناکام بنا دی گئی۔ فیکٹری کے گیٹ پر مامور سیکورٹی گارڈ کی جانب سے بروقت کاروائی کرتے ہوئے 2 خود کش دہشت گردوں کو فیکٹری میں روک لیا گیا۔ دونوں خود کش دہشت گردوں کو گرفتار کرلیا گیا ہے اور ان کے قبضے سے خود کش جیکٹ بھی برآمد کرلی گئی ہے۔