جیت کے باعث پاکستان کی پوائنٹس ٹیبل پر پوزیشن بہتر

پاکستان کرکٹ ٹیم نے جنوبی افریقہ کو شکست دے کر پوائنٹس ٹیبل پر ساتویں پوزیشن حاصل کرلی ہے،لارڈز کے تاریخی میدان پر کھیلے گئے میچ میں پاکستان نے دو پوائنٹس حاصل کیے جس کے بعد ان کی تعداد پانچ ہوگئی ہے۔
جیت کے باعث پاکستان کی پوائنٹس ٹیبل پر پوزیشن بہتر تو ہوئی ہے تاہم سیمی فائنل تک رسائی کے امکانات روشن کرنے کے لیے اسے مزید میچز جیتنے ہوں گے۔
اس تناظر میں قومی ٹیم کے نیوزی لینڈ اور بنگلہ دیش سے میچز بہت اہم ہیں۔ پوائنٹس ٹیبل پر 11 پوائنٹس کے ساتھ حکمرانی برقرار ہے جبکہ کیویز سے ایک پوائنٹ کم آسٹریلوی ٹیم کی دوسری پوزیشن ہے۔
اس طرح بھارت تیسرے، انگلینڈ چوتھے، سری لنکا پانچویں اور بنگلہ دیش کی چھٹی پوزیشن ہے۔
پاکستان کی ترقی کے باعث ویسٹ انڈیز کی ٹیم آٹھویں نمبر پر آگئی ہے جبکہ جنوبی افریقی ٹیم بھی ایک درجہ نیچے یعنی نویں پوزیشن پر آگئی ہے۔