،ہم اپنے ملّی دفاع کو درپیش ہر خطرے کا جواب دیں گے ایرانی وزیر خارجہ

تہران ۔ 
جاپانی دوراے کے دوران ایران کے وزیر خارجہ محمد جواد ظریف نے کہا ہے کہ ہم جوہری سمجھوتے پر کاربند رہیں گے اور ملکی سلامتی کے لئے ہر طرح کے خطرے کا بھی جواب دیں گے۔ جاپان کی خبر رساں ایجنسی کویوڈو کے مطابق وزیر خارجہ جواد ظریف نے دورہ جاپان کے دوران وزیر اعظم شینزو آبے اور وزیر خارجہ تاروکونو کے ساتھ علیحدہ علیحدہ ملاقات کی۔

مذاکرات میں ایران اور امریکا کے درمیان کشیدگی اور جوہری سمجھوتے کے تحفظ کے لئے حفاظتی تدابیر پر بات چیت بھی کی گئی۔

00:00

/

00:00

Loading Ad

جواد ظریف نے اپنے جاپانی ہم منصب کے ساتھ مذاکرات میں کہا ہے کہ ایران جوہری سمجھوتے پر قائم ہے لیکن اسے سمجھوتے کے دوام کے لئے بین الاقوامی تعاون کی ضرورت ہے۔امریکا کے ایران پر فوجی حملے کے خطرے کے بارے میں بات کرتے ہوئے ظریف نے کہا ہے کہ بلاشبہ ہم اپنا دفاع کریں گے اور اپنے ملّی دفاع کو درپیش ہر خطرے کا جواب دیں گے۔جاپان کے وزیر خارجہ نے بھی اپنے خیالات کا اظہار کرتے ہوئے کہا کہ ہمیں ایران اور امریکا کے درمیان تناو میں اضافے پر تشویش ہے اور جاپان اس تناو میں کمی اور مسائل کے حل کے لئے ہر طرح کے تعاون کے لئے تیار ہے۔