سماجی رابطوں کی ویب سائیٹ فیس بک کریش کر گئی

سماجی رابطوں کی ویب سائیٹ فیس بک پاکستان سمیت دنیا بھر کے مختلف ممالک میں کریش کر گئی۔ تفصیلات کے مطابق سماجی رابطوںکی سب سے بڑی ویب سائیٹ نا معلوم وجوہات کے سبب صارفین کے لئے  دستیاب نہیں ہے۔ فیس بک کا کہنا ہے کہ نامعلوم تکنینکی خرابی کے باعث کریش ہونے کے بعد نیٹ ورک کی بحالی پر کام جاری ہے۔ تاہم ویب سائیٹ حکام نے اس ضمن میں کوئی ٹائم فریم نہیں بتایا۔ آخری اطلاعات تک پاکستان میں موجود صارفین سمیت  دیگر ممالک میں بھی فیس بک دستیاب نہیں۔
فیس بک انتظامیہ کی جانب سے اس خامی پر قابو پانے کی کوششیں شروع کر دی گئی ہیں جس کے بعد کئی ممالک میں فیس بک جزوی طور پر بحال بھی ہو گئی ہے تاہم اکثر ممالک کے صارفین ابھی تک فیس بک تک رساٖئی حاصل کرنے میں ناکام ہیں۔