ضلع اٹک کے گاوٗں امیر خان نے اس بلدیاتی الیکشن کا بائیکاٹ کر دیا

ضلع اٹک کے گاوٗں امیر خان کے باسیوں اور آزاد یوتھ ونگ نے اس بلدیاتی الیکشن کا بائیکاٹ کر دیا اور سیاسی حلقوں کے سامنےاپنی ایک ہی مانگ رکھی کہ گیس دو اور ووٹ لو ۔ یہاں یہ بات قابل ذکر ہے کہ گاوں امیر خان جو کہ ٹیکسلا اور فتح جنگ کے درمیان واقع ہے کے ساتھ ہمیشہ سے امتیازی سلوک کیا گیا۔ ساتھ ہی واقع نیکا  کریما اور متعدد گاوٗں میں گیس اور باقی ضروریات زندگی میسر ہیں جبکہ اسکے علاوہ کرنل خالد مسعودشہید جوکہ امیر خان سے تعلق رکھتے تھے کی شہادت پر پیپلز پارٹی کے سابقہ وزیر داخلہ رحمان ملک کے اعلان کے باوجود گیس نہیں مہیا کی گی۔علاوہ ازیں سید خورشید شاہ اور سردار سلیم حیدر نے منصوبے کا باقاعدہ افتتاع بھی کیا جو کہ پایا تکمیل نہ پہنچ سکا۔۔اور امیر خان کے رہائشی لکڑیاں کاٹ کے جلانے پر مجبور ہیں۔۔